Category: 已援助動物

動物名稱: 黑b 入院日期:25/08/2016 受傷狀況:耳朵位置蛆蟲傷口 黑b是獅山狗因有耳朵傷口引來一堆烏蠅,，為避開其他狗及烏蠅唯有躲入化寶爐休閒。昨日獅山義工安排一早上山救黑b ，大家心情戰戰兢兢恐怕失手黑b就救不了，皇天不付有心人義工千辛萬苦將黑b捉到即刻帶到診所。 多謝獅山義工(Alvin Irene) 黑ｂ大約５年前在山邉出生，幾兄弟和媽媽，靠著善心的街坊每天帶廚餘餵飼，也生活下來。 幾年來兄弟和媽媽因病死，被捉，失踪，剩下牠１隻，孤苦伶仃。後來有—個狗群接納了黑ｂ，牠又回復了往日的生氣。 但流浪狗的生活總有大大小小的不幸，街坊幾日前發現黑ｂ頸上有１大個傷口，而且有很多烏蠅蟲，於是找義工幫忙捉牠醫治，經過２天，終於在今天捉到，帶回診所。 當我們帶走黑ｂ時，牠的狗群在遠處看著，相信牠們和街坊們—様關心著黑ｂ，等著牠康復回家。 請大家捐助黒ｂ的醫療費用，支持牠的康復，謝謝！ 現在情況:   已完成治療 NPV-2016-1891 黑B 已援助之醫療費用

動物名稱: Lucky 入院日期:01/09/2016 受傷狀況: 牛痺熱/嚴重貧血 Lucky從小到大生活在車來車往的貨櫃碼頭，依靠義工叔叔每天餵兩餐，待他猶如自己親生仔一樣看待。 今早義工叔叔如常地到貨櫃碼頭上班， 發現 lucky躲進貨櫃車底奄奄一息 ， 當時Lucky不停流鼻血， 立刻想到Lucky被人襲擊 ，於是即刻致電我們求助。 到達診所的lucky鼻血仍然流過不停， 經過醫生一輪檢查後 ， 患了牛痺熱，而且嚴重貧血 。脾臟亦有異樣有機會是 cancer 但因Lucky現時嚴重貧血 ，身體非常虛弱，所以醫生決定先將牛痺熱醫好，然後再處理脾臟問題。 義工叔叔不能負擔所有醫療費，因此申請流浪動物醫療基金援助。所以也希望有好心人能幫幫牠，捱過呢關。 現在情況:   已完成治療 NPV2016-1898 LUCKY 已援助之醫療費用

  動物名稱: 芝士腸 入院日期:12/09/2016 受傷狀況: 嚴重低溫 發現經過: 深水埗大埔道某大廈平台有流浪貓生咗一台四隻大約一個月貓BB，其中兩隻已於日前救出並有好心人領養， 2016年9月11日夜晚落完大雨，凌晨約1點聽到平台有貓叫聲，於是落去睇，搵咗好耐本打算放棄之際，見到芝士腸成身濕晒縮埋一角，佢一直都唔肯食嘢，餵奶俾佢亦唔飲，醫生話佢嚴重低溫同好虛弱，需要留醫，希望芝士腸可以過到呢關，其後會幫佢出領養能比佢有個溫暖既家。 現在情況:   已完成治療 NPV-2016-1899 芝士腸 已援助之醫療費用

動物名稱: 石仔 入院日期:02/10/2016 受傷狀況: 脫水/貧血/抽筋 發現經過: 繼芝士腸後再有僅僅一個月嘅貓bb被救到診所。石仔是舊區貓絕育計劃(site visit) 中發現，見到祂時正正在路中心爬，一邊爬一邊叫，但不見石仔媽媽蹤影(多數貓媽媽知道貓b有病或天生有缺陷，通常都會放棄唔會餵奶), 石仔可能是一隻被媽媽遺棄的可憐bb. 經過醫生檢查後發覺石仔脫水/貧血還有抽筋。只得0.34kg嘅貓bb要捱過哩關真的不容易。大家會用力為你打氣，希望你好似烏咀一樣可以打場漂亮的仗。 現在情況:   已完成治療 NPV-2016-2331 石仔 已援助之醫療費用

動物名稱: UBER 入院日期: 25/09/2016 救助背景: 主人遺棄 醫療救助: 四肢無反應/貧血/FIP 現在情況: 治療期間離世 NPV2016-2271-UBER已援助之醫療費用

動物名稱:黃妹 入院日期:16/04/2016 受傷狀況:前手嚴重受傷 發現經過: 一個壯健既婆婆, 過去大半年來, 每朝天未光便到九龍坑附近行山, 眼見流浪狗隻骨瘦如柴, 便決定每朝順道帶點食物餵飼牠們。上星期婆婆發現其中一隻黃狗, 前手腫起, 因沒有經驗, 無即時處理, 昨天再見到黃狗之時, 骨頭已經外露, 肌肉委縮, 婆婆大驚, 嚎哭起來, 驚動附近居民, 並代婆婆安排將狗隻送到NPV急救！非常感激NPV無條件接收, 並立即安排醫生照x光, 先確定狗隻並無骨折, 萬幸！但發現有烏蠅蟲, 相信狗隻需要進行手術並留院一段長時間才能康復！懇請各界善心人士繼續捐助及支持NPV的工作, 多謝大家！ 現在情況:   已完成治療 NPV2016-1352黃妹已援助之醫療費用

動物名稱:麻媽 入院日期:20/02/2016 受傷狀況:前手截斷及手臂受傷 發現經過: 麻媽＂失踪了個多月，再出現時瘦了—圈，左前腳失去腳掌和至腋下的—大片皮毛。牠應該很痛很痛，但聽到ｅｅ叫牠仍跛著辛苦行過來。 三年前牠突然出現在垃圾站找食物，當時瘦得皮包骨，身旁帶著１隻小狗。好心姨姨便叫牠做＂麻媽＂，牠也成為ｅｅ每天餵飼的—員。牠的生活開心很多，不只有食物，還有人關心：失去小狗時ｅｅ安慰牠；被其他狗咬傷時ｅｅ給牠洗傷口；過節時有—兩片肉…。不時仍有惡人打駡，ｅｅ的愛，足夠牠撑過困難。過年前麻媽不見到，ｅｅ每天都在附近叫牠，上星期四牠再出現，ｅｅ立刻聯絡義工，將牠送到npv求醫。牠需要留院至傷口愈合。但牠只剩下３只腳了。ｅｅ平日照料浪浪已很緊拙，不能負擔醫療費用。請大家捐助麻媽，你們的—點—滴的愛，加上ｅｅ的愛，便可幫助牠跨過這難關。如果，你們能接納牠成為家中—員，給牠安穩的下半生，請聯絡我們，感激不盡！ 謝謝大家！ 現在情況: 已完成治療 NPV2016-0063嫲媽已援助之醫療費用

動物名稱:美美 入院日期:12/04/2016 受傷狀況:眼球爆裂 發現經過: 有一日，我系海防道一條後巷發現有七隻流浪貓，佢地應該系一家人，因為每一次我經過都會見到佢地一齊。突然有一日我經過那後巷既時候，我聽到有不停既喵喵聲，細心一看，原來有兩隻貓仔岩岩出世，其中一隻就系美美。但十日過後，我再到後巷探佢地既時候，發現美美右眼眼球腫得好勁，所以我就馬上打電話到非牟利獸醫診所約時間睇醫生，醫生睇過美美既情況其實需要做手術，但美美先兩個月大，吾適合咁細個就接受全身麻醉，怕佢頂吾順，所以就開左支眼藥水同消炎藥等佢吾好再嚴重落去。第二日既黃昏，我發現美美右眼眼角流哂血，又再一次到非牟利獸醫診所睇醫生，因為美美當時既情況嚴重左，醫生就決定要即刻同美美做手術，最後經過醫生同護士既努力美美既右眼切除手術非常成功。我好感謝醫生同護士們對美美既付出，同埋感謝非牟利獸醫診所既流浪動物基金的支持，支付左美美手術當中既所有費用，同時亦希望有心人會帶美美返屋企。 現在情況:   已完成治療 NPV2016-0722 美美 已援助之醫療費用

動物名稱:皮包骨 入院日期:12/07/2016 受傷狀況:嚴重腎衰竭/口腔潰爛/腹膜炎 發現經過: 皮包骨原本是一隻居住在天台的流浪貓，牠很怕人，所以從來也不落地面找食物的，義工們都是用水拋食物上去給牠的，所以牠吸收不到足夠的營養，年復年的關係，身體也一路差落去，近呢一星期牠終於肯落地面向義工討食物啦！但義工見佢瘦到得掤骨，佢可能撐唔住落黎求救，近呢兩日落大雨，義工見佢週身濕曬，口部滲血，四支無力，不吃不喝，故馬上帶佢去npv求診，驗血報告顯示佢的指數大部份不正常，需要留院吊盬水，醫生也說牠好番機會不大，但本著無條生命都可貴的原因，npv上下也盡心盡力幫牠醫牠，所以也希望有好心人能幫幫牠，捱過呢關佢就唔駛再流浪啦。 現在情況:   已完成治療 NPV2016-1365皮包骨已援助之醫療費用