Category: 成功領養個案

Mocha  (舊名 富貴妹)，九個月大既靚女三腳狗，係NPV 於今年六月港島南區救返來， 當時佢多處傷痕，全身佈滿食肉蛆同牛蜱，嚴重脫水貧血及牛蜱熱， 右前掌被整齊斷去嚴重發炎，需要做手術截去整條右前肢保命。 一開始，我以為得返三隻腳係佢最大既缺陷， 但原來，對人類完全失去信任，先係佢最痛苦既缺陷。 第一次探佢，佢好驚，真係好驚，即刻搵地方匿埋然後不斷顫抖， 第二次見更嚇到一路逃走一路失禁。雖然走埋去任摸都唔反抗，但仍然瑟縮一角不停震。 換句話說，佢清楚體驗過無論人類對佢做d咩，點反抗都無用， 好難想像人類究竟對佢做過D乜野，先令佢恐懼到呢個程度。 雖然，報道指Mocha既右前肢可能係捕獸器夾斷， 但從佢對人類無比既不信任以及懼怕，更令我相信當中肯定涉及人為虐待。 如果兇手你見到呢個Post，我可以話你知，虐待一隻幾個月大既狗B， 甚至整斷左佢隻手由得佢自生自滅， 只係證明你既力量弱小到要靠折磨弱者去掩蓋你自卑病態既人生， 你可悲到連被我唾罵既資格都無。 如果你認識兇手，或者係今年五月至六月於薄扶林置富花園附近目擊到事發經過， 或者見到有人放置捕獸器，我建議你盡快向警方提供資料。 當虐待狗B唔能夠令兇手滿足時，或者嫌捕獸器唔夠威力時， 佢自然會挑戰較強大既目標，或者設置更致命既捕獸陷阱 可能係成犬，可能係貓，亦可能係路人，下手亦可能更重更殘暴，而你一時既沉默只會成就更多受害者。 幸運地，今日既Mocha毋需生活係恐懼之中，雖然要佢重拾對人類既信任仍有一段距離，但起碼會佢得到好好既照顧。 可能係好多人眼中，Mocha係唔完整，但係我眼中，Mocha絕對係完美。 最後，我係到以Mocha主人身份，多謝NPV拯救左富貴妹，亦好多謝出過錢出過力既有心人，以及多謝家人朋友支持我將富貴妹變成我既Mocha。 同埋多謝蕃茄。 歡迎親朋好友探訪或者送玩具 😛 p.s. 捐款就唔會接受架啦，想捐既可以捐畀NPV 😀

Mocha  (舊名 富貴妹)，九個月大既靚女三腳狗，係NPV 於今年六月港島南區救返來， 當時佢多處傷痕，全身佈滿食肉蛆同牛蜱，嚴重脫水貧血及牛蜱熱， 右前掌被整齊斷去嚴重發炎，需要做手術截去整條右前肢保命。 一開始，我以為得返三隻腳係佢最大既缺陷， 但原來，對人類完全失去信任，先係佢最痛苦既缺陷。 第一次探佢，佢好驚，真係好驚，即刻搵地方匿埋然後不斷顫抖， 第二次見更嚇到一路逃走一路失禁。雖然走埋去任摸都唔反抗，但仍然瑟縮一角不停震。 換句話說，佢清楚體驗過無論人類對佢做d咩，點反抗都無用， 好難想像人類究竟對佢做過D乜野，先令佢恐懼到呢個程度。 雖然，報道指Mocha既右前肢可能係捕獸器夾斷， 但從佢對人類無比既不信任以及懼怕，更令我相信當中肯定涉及人為虐待。 如果兇手你見到呢個Post，我可以話你知，虐待一隻幾個月大既狗B， 甚至整斷左佢隻手由得佢自生自滅， 只係證明你既力量弱小到要靠折磨弱者去掩蓋你自卑病態既人生， 你可悲到連被我唾罵既資格都無。 如果你認識兇手，或者係今年五月至六月於薄扶林置富花園附近目擊到事發經過， 或者見到有人放置捕獸器，我建議你盡快向警方提供資料。 當虐待狗B唔能夠令兇手滿足時，或者嫌捕獸器唔夠威力時， 佢自然會挑戰較強大既目標，或者設置更致命既捕獸陷阱 可能係成犬，可能係貓，亦可能係路人，下手亦可能更重更殘暴，而你一時既沉默只會成就更多受害者。 幸運地，今日既Mocha毋需生活係恐懼之中，雖然要佢重拾對人類既信任仍有一段距離，但起碼會佢得到好好既照顧。 可能係好多人眼中，Mocha係唔完整，但係我眼中，Mocha絕對係完美。 最後，我係到以Mocha主人身份，多謝NPV拯救左富貴妹，亦好多謝出過錢出過力既有心人，以及多謝家人朋友支持我將富貴妹變成我既Mocha。 同埋多謝蕃茄。 歡迎親朋好友探訪或者送玩具  p.s. 捐款就唔會接受架啦，想捐既可以捐畀NPV 

  棉花糖係我哋第一隻領養嘅貓。當初都會擔心「流浪貓」會怕人或者有攻擊性。但棉花糖「可摸可抱、嗲人同愛說話」既性格，令到我地對流浪貓完全改觀。 記得領養返黎嘅第一晚，見佢已經肯進食、肯如廁，甚至肆無忌彈跳上我地床尾「攤屍」，就知道佢已經接受呢間屋成為佢終生既家。 養左綿花糖之後，呢個家都開始熱鬧起來，有時只係望住佢攤屍、追廁紙筒、玩毛毛棒或者係追自己條尾，我哋都會不其然笑左出黎～ 當然，佢都有搗蛋既時候，好似會靜靜雞偷入廚房、半夜將枱面既野掃晒落地下、又或者推開個衣櫃入去玩，真係會令你變咗「阿燥」，但之後佢又會喵喵叫同用條尾仔撞你，果一刻又真係俾佢嘅嗲功溶化咗，嬲佢唔落。 棉花糖嘅出現，令到我地更加有動力學習點樣同貓仔相處，會去搜尋一些對佢有益的糧食，同埋日常護理嘅方法等等。雖然投放係棉花糖身上既時間用多咗，但係佢眼中，我地係唯一俾到快樂佢既朋友。所以無論日後條路有多漫長、中途有多障礙，我地都會堅持陪棉花糖走過每一段路。

  自從拖肥”成為咗我哋屋企嘅一份子之後，我變得比以前鍾意留喺屋企, 因為可以陪住主子！！！但係佢同時都係“阻人返工協會會長”，令我每日都唔捨得出門口返工， 但係當諗到唔返工邊有錢買罐罐呀！即刻好有衝勁，為主子去返工。 只要望到佢傻更更嘅樣，教我如何不愛牠呢！ 有幸可以令佢由浪浪，變成依家喺我哋屋企萬千寵愛在拖肥，個感覺真係好開心，一家人嘅話題都多咗好多 希望可以有更多更多嘅人可以支持領養啦！

    自從拖肥”成為咗我哋屋企嘅一份子之後，我變得比以前鍾意留喺屋企, 因為可以陪住主子！！！但係佢同時都係“阻人返工協會會長”，令我每日都唔捨得出門口返工， 但係當諗到唔返工邊有錢買罐罐呀！即刻好有衝勁，為主子去返工。 只要望到佢傻更更嘅樣，教我如何不愛牠呢！ 有幸可以令佢由浪浪，變成依家喺我哋屋企萬千寵愛在拖肥，個感覺真係好開心，一家人嘅話題都多咗好多 希望可以有更多更多嘅人可以支持領養啦！

棉花糖係我哋第一隻領養嘅貓。當初都會擔心「流浪貓」會怕人或者有攻擊性。但棉花糖「可摸可抱、嗲人同愛說話」既性格，令到我地對流浪貓完全改觀。 記得領養返黎嘅第一晚，見佢已經肯進食、肯如廁，甚至肆無忌彈跳上我地床尾「攤屍」，就知道佢已經接受呢間屋成為佢終生既家。 養左綿花糖之後，呢個家都開始熱鬧起來，有時只係望住佢攤屍、追廁紙筒、玩毛毛棒或者係追自己條尾，我哋都會不其然笑左出黎～ 當然，佢都有搗蛋既時候，好似會靜靜雞偷入廚房、半夜將枱面既野掃晒落地下、又或者推開個衣櫃入去玩，真係會令你變咗「阿燥」，但之後佢又會喵喵叫同用條尾仔撞你，果一刻又真係俾佢嘅嗲功溶化咗，嬲佢唔落。 棉花糖嘅出現，令到我地更加有動力學習點樣同貓仔相處，會去搜尋一些對佢有益的糧食，同埋日常護理嘅方法等等。雖然投放係棉花糖身上既時間用多咗，但係佢眼中，我地係唯一俾到快樂佢既朋友。所以無論日後條路有多漫長、中途有多障礙，我地都會堅持陪棉花糖走過每一段路。  

【覺醒之旅】 我們的 Mission 仔仔又出場了！ 今次 Mission 仔是應香港非牟利獸醫診所 （即救他的 NPV） 及香港電台電視部的拍攝邀請，分別為 “Take Me Home” 及｢寵物情人｣節目去鰂魚涌寵物公園進行拍攝。本來這次的拍攝是安排在兩個月之前的，但奈何多次也因天氣問題而要延期，可幸今次天公造美，雖然天色陰暗，但卻沒有下雨，加上涼風陣陣，令到拍攝進行得非常順利！ 今天的兩場訪問，主持人也問到一個問題，那就是當年領養這一頭只有三隻腳的半歲小唐狗有甚麼感想。其實，感想是蠻多的。為何我們需要呼籲人不要購買動物而要選擇領養？那是因為現在寵物店的貓狗價格，跟一部手提智能電話沒有太大差別，這亦造就了一些人買動物作為禮物，或者在某時期因為某種動物較受歡迎，便買回來追潮流，無知地向親友炫耀。 生命不是手機，亦不是潮流物品。牠們不是一種可以隨意棄置或替換的死物。其實只要我們人類有愛心有責任感的話，那｢領養｣這兩個字根本可以從人類字典中剔除！可是，因為有人棄養，那才出現領養；因為有人不負責任地讓動物繁殖後不養，那才需要領養。 接了 Mission 回家這一年另兩個月，Mission 教曉了我一件事。那就是不要以為我們是在給被領養動物的一個生存機會，反而，是牠們給了我們一個改善及深化個人價值觀、良心、及愛心的一個覺醒之旅。 記着：只領養，不購買！

薯二，現在改名為斗斗。我們的相遇其實也算得上幸運……剛剛見面時，因一個偶然的機會。你當然十分的百厭，很活潑，令我得開心。在義工一番話，我決定要領養你！哈，為了迎接你來和我生活，我準備了不少心機和時間。 初初，你剛來到我家時，要視察環境，周圍探索，很有趣。還有不停的大叫，好像要告知所有人這就是你的家一樣。一個多月的你初來到時，我甚麼都很擔心，擔心你會跌到，弄髒自己，害怕你會不適應。 慢慢地，你開始熟悉環境後就不再擔心你了。你已經在家周圍的跑跳，每當我們下班時，你也很興奮的大叫來迎接我們。當我們吃飯時，你也很為食的走過來不停叫喚，好像說要跟我們一起吃飯似的。到現在你已一歲多了，但仍是像個長不大的小孩一樣。每天也要吵著要跟你玩，在家四圍奔跑也要每天擔心怕你會弄傷。哈哈，真的沒有改錯你的名字，很反斗很百厭。現在見你健康快樂地成長，我也感到興幸能領養你回來，帶給我們一家這多歡樂！

薯二，現在改名為斗斗。我們的相遇其實也算得上幸運……剛剛見面時，因一個偶然的機會。你當然十分的百厭，很活潑，令我得開心。在義工一番話，我決定要領養你！哈，為了迎接你來和我生活，我準備了不少心機和時間。 初初，你剛來到我家時，要視察環境，周圍探索，很有趣。還有不停的大叫，好像要告知所有人這就是你的家一樣。一個多月的你初來到時，我甚麼都很擔心，擔心你會跌到，弄髒自己，害怕你會不適應。 慢慢地，你開始熟悉環境後就不再擔心你了。你已經在家周圍的跑跳，每當我們下班時，你也很興奮的大叫來迎接我們。當我們吃飯時，你也很為食的走過來不停叫喚，好像說要跟我們一起吃飯似的。到現在你已一歲多了，但仍是像個長不大的小孩一樣。每天也要吵著要跟你玩，在家四圍奔跑也要每天擔心怕你會弄傷。哈哈，真的沒有改錯你的名字，很反斗很百厭。現在見你健康快樂地成長，我也感到興幸能領養你回來，帶給我們一家這多歡樂！