轉貼另一個故事

我將一個回應轉貼出來，大家很值得看看：

Kelly 提到…
命運能逆轉的例子相信只是冰山一角而已…點解我甘講, 因為我四月五日晚係觀塘碼頭等搭船時, 見有隻唐狗躲係碼頭邊, 真係差一步佢就可以跌落海,原來佢係等緊遺棄佢既主人接番佢, 聽船家講, 應該有隻躉船既人特登dump佢係碼頭, 而呢隻可憐既狗已經係碼頭欄外企左幾日,一有船埋岸,佢就金精火眼咁望…我點叫佢, 佢都係一心一意咁望住個海…..太可憐,我唔想報警, 我怕佢最終會送去漁護署送死,只俾左條腸仔佢食就走左…第二日本想揾d狗義工幫忙睇下點幫到佢, 但睇新聞先知原來朝早佢跳左落海, 係自殺定想游過去揾主人, 無人知, 個晚望見佢個種絕望既眼神, 忠心既行為, 心真係好痛, 真係唔親眼見, 都唔相信原來世上狗真係忠心的朋友,佢真係唔應該有如此下場,唔知你地無人人可幫忙領養佢呀? 佢而家係漁護署, 四日後無人認領就會人道毁滅架啦, 佢船家主人有心唔會佢, 仲點會接番佢? mark, 學你所講, 真係單純的動物遇上不負責任的主人…

呼籲： 如果有義工有地方願意暫托此可憐的狗狗，請留言告知。 只希望拖延時間，為他找一個主人。