已援助動物【NPV-2020-0072】毛毛 Momo

Log no: NPV-2020-0072
動物名：毛毛 Momo

動物傷勢：右後肢大腿開放性傷口，傷口已受感染、潰爛及見骨，後肢兩邊髖關節半脫位，腎指數高，患上牛蜱蟲及心絲蟲

義工提供之毛毛故事：
今日收到鄰居求助，話見到有隻流浪狗俾狗咬、受左傷，我就出左去搵佢，出到去，見到佢耳仔同腳都流緊血，行路又拮下拮下，情況好嚴重。
一開始我地帶去自己平時去開嘅獸醫診所，獸醫檢查後話毛毛骨折，照X-Ray、做手術等預算要5-6萬，我地當堂打左個突，因為無預過要咁多錢，而且我地都無咁多錢去付呢筆醫療費用。
當時獸醫叫我地考慮下再回覆，我地好徬徨，唔知點算，因為搵過好多義工都唔肯接收，但我地真係好唔願意因為負擔唔起費用而令一隻狗失去生命。
好在朋友提起可以搵NPV，原來NPV有個流浪狗基金去幫助流浪動物，最後我只係付好相宜嘅費用，其他就由NPV去「埋單」，而過程中NPV流浪動物基金會嘅職員並無因為我地係黎拎基金，唔係一般客人就對我地嘅態度有分別，一樣好有禮貌同好專業，亦好尊重我地嘅意願（因為涉及到係咪需要截肢，雖然我地唔係動物主人，但職員同獸醫都尊重我地意願，唔幫我地做決定）
真心感謝NPV幫我地解決左一個好大嘅難題，如果唔係我地真係唔知點算?救唔到佢亦會內疚一世。
希望大家都多多支持NPV嘅流浪動物基金，大力捐款支持佢地，幫助更多嘅動物！

—————————————————
如欲支持毛毛Momo住院、醫療費用，可直接捐入以下NPV 戶口，詳情如下：

1) 轉數快
透過轉數快將捐款轉賬至 FPS ID︰ 9106931
並於「給收款人的提示信息」指明「NPV-2020-0072 Momo」

2) PayMe

透過PayMe from HSBC 應用程式掃瞄以下QR Code 捐款至NPV 匯豐銀行戶口