已援助動物【NPV-2018-0613】Mo Sang Sang 毛神神
Log no: Npv-2018-0613
動物名：Mo Sang Sang 毛神神
傷勢：右手近手掌關節位置骨折，兩手均有斷甲，心口大面積擦傷甩皮見血
義工提供之毛神神的身世:
喺上年嘅新年開始，我哋因為尋找失狗而發現一個地盤，住咗有十幾二十隻地盤狗。自從嗰日起，我哋每日都入去地盤餵佢哋，佢哋咁多隻狗都有唔同嘅區域。
其中一隻最大隻、黑抆抆、污糟糟、周圍揾垃圾食、成身毛打晒kick嘅，我哋就改左佢個名叫毛神神。毛神神同另一隻金毛仔成日都出雙入對，毛神神平時個樣蠢蠢地，對住我哋好善良任摸唔嬲，但係對住其他嘅狗就好惡。唯獨佢最錫金毛仔，金毛仔只要鬧佢一下佢就反肚，毛神神最鐘意就係撩金毛仔成個場跑黎跑去。
平時狗狗們都唔會上繩，地盤工人亦唔會理佢哋。而地盤每日都好多大貨車出入，有啲司機會停低等啲狗行開，有啲就好憎狗，啲狗要閃避啲大貨車，平常我哋都會間唔中見到啲狗會受傷。
直至大前日，我哋如常去餵狗，地盤工人同我哋講毛神神俾車撞到，痛到全日都冇郁過，呢埋响一角發出慘叫聲，我哋見佢身上面好大範圍嘅皮址甩左見到血，輕輕㩒佢胸口佢就慘叫，兩隻手都有甩晒毛同甩左指甲。
我哋當然好徬徨，求助NPV並帶毛神神到診所治療。醫生檢查完發現佢右手前脾末端兩條骨都斷左，毛神神現時需要住院，稍後安排做骨折覆位內固定手術。
現在情況:
已完成治療
