一些片段重溫

「NPV 秋田犬八千慈善首映禮」 NPV贊助人周慧敏小姐致辭
http://www.mediafire.com/?myg5tyyydno

各位現場朋友，支持NPV嘅朋友，我嘅fans，鍾意動物嘅朋友，新年快樂。

我好榮幸作為NPV香港非牟利獸醫服務協會嘅支持者，可以借呢個機會表達下自己嘅一D感受。

喺啱啱過去的大除夕，我同我先生，仲有NPV嘅chairman 呀Mark，去咗九龍一個好清靜的住宅區果度探一個朋友。果度附近有一個小山丘，住滿晒流浪貓，起碼有五、六十隻咁多。佢地有D都好可愛，仲肥嘟嘟，如果比有心人見到，可能都有機會被收養嘅。果晚我地行近D貓，佢地有少少怕人，但係又好好奇。喺附近仲見到放滿左愛貓人士留低嘅乾糧濕糧。聽果區D市民講，這班貓貓其實對社區都有做成一D滋擾，佢地會隨處大小便，包括喺私人花園，路邊，甚至車身上邊。 所以，喺一部份區民想盡辦法去驅趕流浪貓嘅同時，亦有另一班人千方百計去保護佢地。當晚曾經有路過嘅市民誤會我地是魚護署嘅人來捉貓，好緊張的跑過來查探，佢地好努力咁為貓貓講好說話，希望果吾好有人會向魚護署投訴，吾好將D貓貓帶走。

我好理解佢地兩方面嘅立場，我更明白，當中最無辜就是毫無選擇權的流浪動物。 佢地要忍受因為未接受絕育手術而帶來嘅種種病痛，有病都沒得到醫治嘅權利。更因為不斷嘅生育而帶來種種嘅社會問題，而令到被社會所厭棄，甚至捕殺。呢班流浪動物長期比風雨、飢餓、疾病、驚慌咁折磨，喺僥幸得到半餐溫飽之後，就係終日惶恐逃命。

流浪動物係最弱勢嘅社羣，佢地嘅基本權益，人道對待，尊重，只能靠我地去為佢地爭取。我始終相信，只要大家態度正確，方法正確，人同流浪動物喺個社區度係可以和諧共處。

今日呢個秋田犬八千的電影慈善首映禮，吾單止係表達人與動物嘅一份情，更關乎以後好多好多流浪動物的命運，關乎尊重生命嘅一份認同。因為今日同時亦係「npv流浪動物醫療基金」嘅成立日。 呢個基金嘅主要工作係要為流浪動物提供醫療援助，以及推動TNR絕育計劃。 所謂TNR, 即係 Trap Neuter Release捕足、絕育、放回，是一種取代消極補殺嘅人道管理，同減少流浪動物數量嘅最有效方法。巿民接受流浪動物的存在，就可達到呢個計劃追求「共生」嘅目標，令人類同動物嘅生存權利都受到尊重。

希望下一次再去探我朋友嘅時候，已經再聽唔到對流浪貓嘅投訴。貓貓嘅數量受到控制，吾單止改善社區環境衛生問題，希望佢地更加可以成為了市民嘅好朋友，甚至社區的守護天使。我自己衷心希望NPV嘅計劃可以成功，得到大家嘅支持， thank you!
「NPV 秋田犬八千慈善首映禮」 NPV執行主席麥志豪致辭

各位親愛的來賓你們好，我看到今日有很多業界的朋友，有獸醫，有寵物業的，有NPV診所的客人，有買票進場的市民…不論大家今日出於什麼原因參加這個首映禮，你們的出現都造就了一件好有意義的事情，就是「NPV流浪動物醫療基金」的成立！ 由今日開始，我們終於可以有一筆比較像樣的金額，可以讓我們很奢侈的單單用在流浪動物身上。 首先多謝剛才周慧敏小姐的一番說話，好清楚講出了今日慈善首映禮的意義。我亦無需重複了。

但其實今日對我們一班動物福利工作者是有另一個頗特別的意義。一直以來，社會上很多人對我們一些所謂幫動物出頭的人，都有一些偏見。最常聽到的指責是：你這班貓痴狗痴，很多人要幫不去幫，跑去幫貓貓狗狗！ 朋友呀，你又怎知我們沒有幫人呢？ 以我所知，就以周慧敏小姐為例，他一直都在幫很多大大小小的慈善機構。愛人跟愛動物不會是互相排斥的。 我們試想想，假設當一個婆婆過馬路跌倒的時候，會是一個愛動物的市民去先扶她一把，還是一個剎狗剎貓狂徒會先去扶她呢？

很高興今日在場有好幾個善長為我們徹底的破除這些偏見。告訴大家愛動物的人都是很關懷社會的。 他們做了一件很偉大很有意義，很有趣、亦很化算的善事。他們可能是第一個跨界別；同時幫動物又幫到人的善長。他們支持NPV，買了首映禮的戲票，然後把戲票送給一班在社會上經歷著不同困難的小朋友來到今晚的慈善首映。 而大家亦很相信這套戲對這班小朋友是有好正面的意義！
呢班咁聰明的善長包括：屈小姐、ANN MAK、BETTY LAI、麥志良先生。
而今晚的小朋友來自以下幾個機構：
願望成真基金、地中海貧血兒童基金、香港單親協會、香港復康會 。
請大家以熱烈的掌聲歡迎這班小朋友！

秋田犬八千有一個很簡單的故事，卻有一個很深刻意義的主題：愛同忠誠。戲入面的秋田犬只是跟他主人相處了一年多的時間，卻用了他餘下的十年，即是一生的時間去等主人回來。我無意在這裡誇大動物對人類感情世界及社會的貢獻，但我們對動物做的又會不會太少呢？

我好相信這份愛同忠誠一定可以感動到大家。大人也好小朋友也好。無論你喜歡動物與否，你都應該會用到紙巾的。如果沒帶紙巾的請快問朋友借了。

其實幫人也好，幫幫動物也好。都是一件善事！都是對我們居住的地球的一種關懷。 我們NPV非牟利獸醫一直堅持的使命 – 獸醫服務、貧富共享，對象是動物，亦都是人。三年幾以來我們從一間診所一個獸醫發展到今日兩間診所7個獸醫24個護士，算是一間不大不少的醫療組織了。我們和其他慈善機構一樣，都是希望發揮愛同公義的精神。在社會上有缺乏愛的地方，有人得不到應得的照顧，就有慈善機構。 在社會上有不公義的存在，令到有人不能夠公平分配一些資源， 就有慈善機構。有弱勢社群的地方，就有慈善機構。
在社會上有好多人同動物長期活在苦難之中。只要大家不分彼此，不分界別，幫得多少就多少，這個世界一定變得會開心一點。

最後我要代表一群將來會受惠於NPV流浪動物醫療基金 的流浪動物，去向以下的人致謝！

這個慈善首映的冠名贊助：寵物寶寶娛樂城。很多人說生意人一定要心狠手辦，冇乜愛心，但係寵物寶寶娛樂城老闆b哥是一個好出色的商人，但同時又是好有童心，愛心爆棚的小朋友，大家不信可以參觀他的珍藏：不是什麼古董，而是他多年來所收留的不知其數的貓狗。多謝寵物寶寶娛樂城每一位同事,,debby ,watson沒有你們今晚是不能成事的。

多謝忘不了寵物善終的bruce wong , 你是我眼中另一個傻佬。, 印象中，你從來未向我say no。你幫NPV幫到我有點不好意思了。

多謝organix有機飼糧。多謝你對NPV的信任同支持。希望日後有更多機會合作。
多謝another factory, 多謝陳家歡小姐, 多謝吳君如小姐, alex yip。同每一位買票入場的觀眾：你們所捐出的一分一毫，我用我的生命保證，一定會用在有需要的動物身上。
再多謝秋田犬八千的片主panorama entertainment 同 發行及宣傳公司 goldenscene對NPV 的信任同支持。 當然要特別多謝golden scene 的winnie tsang, 3年幾前我們診所都未正式開業，她已經找我們做了第一次的首映幫NPV籌款。

最後，多謝vivian 周慧敏小姐。你的善良，你的親和，你的影響力，是香港社會的寶藏。如果有人問我怎樣可以世界和平。我會答，好簡單，只要以後大家生的子子女女都都是周慧敏就可以了。不用她那麼漂亮，只要她那麼善良。多謝阿v多年來對NPV的支持。我想，你跟NPV是有一種不可分割的緣份。你成就了npv的出現，亦見證著NPV的成長，你為香港動物福利所做的，所留低的，並不是我三言兩語可以講得明白。

不阻大家睇戲了，不過如果看完戲後大家哭得一塌糊塗，又或者有少少認同我跟VIVIAN 的說話，希望大家離場時，出去捐一點錢。多謝。