【已援助動物】NPV-2014-2516 AR B
動物名稱:AR B
發現經過:
Hello! 各位好心哥哥，姐姐，你地好！我叫呀B，我係荃灣區的街坊。我自幼就係荃灣山上流浪，有d街坊餵下就有一餐，d街坊唔記得餵我就餓一餐…或者幾餐，有時太餓我都會食下沙，食下樹葉頂肚。我同其他浪浪朋友過住呢d生活幾年。
直至前一兩個星期，為左爭食，俾其他浪浪朋友咬傷左個頭。除左破相外，亦比好多烏蠅“褸”我，d烏蠅食我d血，住係我個頭變產卵，而d烏蠅虫就不停咁長大，食我d肉，鑽入我塊面度。原本我幾靚仔架，而家俾d烏蠅虫搞到我發哂炎，而且亦食我塊面同頸d肉，食左我10吋肉喇！我好痛，好痕，好臭呀！好彩平時餵飯既街坊終於見到(聞到)我，呀明，同黑仔都俾烏蠅虫咬爛哂，叫左d義工哥哥，姐姐帶我地去睇醫生。呀明同黑仔個pat pat俾烏蠅虫食左拳頭咁大忽肉，連便便都好辛苦。而且佢地瘦得12-14kg咋，真係皮包骨。醫生幫呀明檢查直腸時，仲話佢食左好多沙…
我地3個咁大鑊，肯定洗義工哥哥姐姐好多錢架，今日偷聽佢地講又話要留院，做手術，絕育，打針，食藥…真係唔知幾多錢喇！
希望各位好心人，好似支持大舊同一瞳咁，幫下我地啦！
現在情況:
已完成治療
