【已援助動物】NPV-2014-2074 大舊
動物名稱: 大舊
發現經過:
大舊原是一隻生活在上水車埸?狗狗，裏面亦住了1隻雪橇狗媽加6隻狗女，由於場內狗女全部未絕育，起水，所以引來一隻很強壯狗狗入侵了大舊地盤，大舊被這隻狗狗打傷了，被咬傷了面部，由於車埸環境惡劣，天氣炎熱！！面部傷囗初時只是小小血洞，怎知傷口越來越大，頭部腫脹，血肉模糊！！連眼睛也看不見！
08/09~有網友在 Facebook 出 post 求救，引來極大回響及關注！！當晚己有義工即時去尋找大舊，可惜最終找不到！！
08/10~我們?定幫忙尋找大舊，準備了狗糧，燒味同狗繩出發去大舊居住既車埸，去到之後，我地更遇上其他前來救大舊的義工，他們還帶備了狗籠，好感動有他們一起尋找大舊！！由於當日是星期日，車埸放假，於是我們聯絡了車場負責人來開門，等左大半個鐘，我地終可進入搜救大舊。
我地分頭尋找，每一吋地方，每一個倉，連後山樹林我地都唔放過，找了差不多兩個小時，我們己大汗淋漓，滿身蚊欄，都不見大舊?影，正當我們打算放棄，準備收隊時，大舊就出現係我地眼前！！那一刻真係好感動，好感恩！！
雖然大舊好驚，不過佢完全沒有反抗，乖乖地讓我們幫牠，輕易就入籠了，我地諗佢應該好痛好辛苦，聽車埸D人說大舊未受傷之前，連摸都摸不到的。大舊既傷勢真係好嚴重，右邊面比蟲蟲咬出一個比拳頭還要大既傷口，面部腫脹得連眼睛都埋係瘸肉入面，傷口佈滿烏蠅蟲，發出陣陣瘸屍味，我們以為大舊連眼珠都被蠶食了！！感恩好彩眼睛還在！！
捉到大舊之後，我們立即把牠送到NPV醫治！！好感激NPV關醫生即時為大舊診治！
經關醫生初步診斷，己幫大舊打驅蟲針，洗傷口，做基本既驗血測試，包括心絲蟲，牛蜱等等，待大舊病情穩定d再視乎情況睇下佢需唔需要做手術或其他治療！！
現在情況:
已完成治療
