【已援助動物】 NPV-2013 華弟
動物名稱: 華弟
發現經過:
多謝大家對狗狗- 華弟既關心, 我係每日去九華徑村餵狗狗的陳小姐. 我一向唔係好識用電腦, 不過屋企人話我知, 自從狗狗今朝得救後,有好多好多人?Facebook關心狗狗,所以今晚終於申請了facebook戶口, 親自向各有心人致謝~
【華弟與我】我同華弟結緣於大約半年前. 我照顧狗狗前, 佢其實一向係由一個好錫動物既家庭餵開, 不過佢地因為成日餵流浪貓貓&狗狗, 被討厭動物既業主逼遷~ 所以經義工朋友介紹, 佢地就搵左我於佢地搬走後接力去餵狗狗.
其實,聽一些老村民說, 華弟從前應是有家的毛孩. 不過因小時候一次走失回來後惹上皮膚病, 便被主人禁止入屋及棄養, 從此成為村內其中一隻流離失所的狗狗.
華弟一向好乖巧, 不過好怕人, 連一向餵開佢既家庭及我, 其實都不可以行近佢10步範圍內. 所以每日我入村餵完佢, 離遠陪佢一陣, 佢自己就會返祕密基地休息. 直至我上星期入村, 看到他忽然全條頸傷了, 右耳出現一個大血洞及不斷被蒼蠅追住!!村民話我知原來佢被兩隻大狗狂咬.
d人見佢咁傷, 於是call左幾次漁護署話要捉走狗狗~~眼見佢傷勢持續嚴重, 於是我即刻搵返以前餵狗狗o個家人一齊想辦法. 佢地即刻返入村探華弟, 問左一輪義工意見後, 佢地幫我請左波叔入村捉狗. 而我就負責搵朋友介紹可信賴既動物醫院救華弟. 朋友一知道狗狗咁危急, 即時提示我一定要搵成功救左麗麗貓&屯門阿良等流浪動物的NPV.
波叔好犀利, 不消一個鐘就將怕人的狗狗引入籠, 幫我順利送華弟到NPV. 多謝阿Mark一見華弟傷口血流如注, 即毫不猶豫即時安排狗狗入院搶救.
經過第一天的治療, 醫院電話告知華弟身上的烏蠅蟲已全部殺掉, 現剩較為細少的蟲蟲未完全清走, 不過因狗狗傷口範圍很大及於受傷後大量出血, 故現時身體十分虛弱及有生命危險, 情況好轉後亦需較長時間留醫治療~
因醫療費用龐大, 恐怕即使有好錫狗狗的一家人分擔部份醫療開支亦未能全數應付所有手術及住院費. 現希望大家協助分享華弟慘痛經歷, 協助部份華弟之醫療費用. 因現居公屋, 待華弟康復後亦急需尋找愛心家庭暫養或領養他.一生一世愛護華弟~
現在情況:
已完成治療
