【專欄文章】 2019年1月11日 動物苦難年 AM730

兩年前在這個專欄寫了一篇「政府向住家繁殖發牌的五年後……」的文章，當中說及：「自從漁護署強行推出139B嘅修訂，向住家繁殖發牌之後，呢幾年來，喺垃圾站呀街邊呀見過無數咁多嘅貓狗俾人掉出街。有啲死咗有啲未死，有老狗有bb………近年獸醫診所旺到好似街市一樣，佢地淨係打預防針都打唔切。無他，自從住家繁殖合法化以後，寵物嘅價錢平咗幾乎一半，繁殖商又係網上賣哂廣告，買隻狗仔玩下係大潮流。漁護署發嘅繁殖牌好搞鬼，攞牌又唔使考試，配種又冇限制，餐ABCD你鍾意點配搭都得。八哥溝芝娃娃又得，貴婦溝哥基又有。近年就有愈配愈細嘅趨勢，因為香港好多地方都限制養狗，好多人想偷雞養，果啲「茶杯貴婦」「茶杯芝娃娃」最受歡迎。住家繁殖睇錢份上，投其所好，為咗吸引客人，有幾細隻就BREED到幾細隻。出世後基因出咗問題，賣唔去咪掉囉。」

這文章是我為了反對漁護署向寵物私人繁殖發牌而寫的，當中的確有點戲言，但想不到是自2017年3月住家繁殖合法化後，兩年不到，我的預言不中也不遠。2018年可以說是寵物業蓬勃的一年，網上動物買賣方便快捷，帶動獸醫診所也多開了十幾間，而崛起得最快的是各種「假領養，真買賣」，誰都可以透過不同「偽動物組織」免費領養名種犬貓，最後卻要付「打針費、檢查費、絕育費」，名目繁多，埋單計數可能比在寵物店買便宜一千幾百。去年也可以說是遺棄動物年，被遺棄的也不限於熱門的雪橇、貴婦、英短、摺耳…也有馬蓮來、牧羊、八哥、伯恩山、秋田……可謂應有盡有，養完即棄。

去年8月，英國正式通過關閉寵物繁殖場，原因眾所周知，香港政府也一定知，就是繁殖場的動物長期被虐，暗無天日。漁護署繼續冥頑不靈，2019將會是另一個動物苦難年！

 

動物緣 – 麥志豪